Ako ning ipaambit ang gamay nga sekreto pero dako ang ikatabang sa matag usa kanato kung inyo kining sundon. Gikan kini kay Warren Buffett nga usa ka negosyante og usa ka malamposon nga tawo sa tibook kalibutan.
Mao ni akong gibutang sa akong komputer screen para ganahan ko motrabaho matag adlaw. Matag open nako sa akong kompyuter mao ni ako dayon makita. Ma ka inspayr kaayo ni nako nga maningkamot og maayo. Bisan hinay hinay ang atong mga plano karon, bisan dili pa ninyo makit-an ang resulta basta naa ni, dili mo musuhi sa inyong padulngan. Be inspired and good luck!
Kinsa man na si Warren Buffett? http://en.wikipedia.org/wiki/Warren_Buffett
Please don't forget to like and share to others who need it!
Nagsugod siya sa bata pa siya, sa laktod nga pagkasulti wala pay buot, sa tinood ingon aning mga edara nagsigi ra ta ani og kaon, dula, tulog og skwela. Apan tungod pod tingali nga iyang mga ginikanan o ang nakapalibot niya gitudloan na siya sa mga tips ug unsaon nga dili magdepende sa trabaho sa opisina nga mahigot naka hangtod matigulang naka. Mora sa akong giingon nga magdagan dagan haron dili ma ulahi sa trabaho, magdagan dagan paingon pauli, kaon panihapon, tan-aw gamay tv o kuti kuti sa kumpyuter sa fb, twitter social networks, sigig posts of selfie hehheehe paibog sa mga bag-ong pictures hangtod mahurot ang oras sa way kaayohan apan makapa relax kini kanato pero kung imo dyog hunahunaon og maayo walay ikaayo nga modako ang imong paglaum nga pagka ugma, pagmata nimo, daghan imong kwarta sa bulsa o ikaw na ang boss sa imong kaugalingon, o dili naka maglisod pagbayad sa mga kautangan o sa pagpalit sa mga mahal nga palaliton o naa ba kay ibayad ugma sa maningil ug uban pa. Kung ginikanan ka karon sugdi ang imong mga anak bisan gamay pa sila mga 3, 4, 5, 6 ka tuig ang edad sa imong anak pwede na na nimo tudloan ug mga maayong ideya nga iyang magamit samtang nagkadako siya. 
Kay kung sayo nimo ni siya sugdan, madala na ni niya hangtod sa iyang pagdako. Akong mga ginikanan kay gisugdan na ming mga anak sa bata pa mi nga magnegosyo kaniadto maong hangtod karon naa pirmi kanako ang paghimo og mga ideya nga dili ko sigi pagawas og kwarta apan kung mogasto man ko, naa dyog nay musulod sa akong bulsa puli sa akong gigasto. Dili ka magsalig sa usa ka income lang. Sama sa tip number 1 ni Warren Buffet quote " Never depend on single income make investment to create a second source".
2. Ingon ni Warren Buffett "If you buy things you do not need, soon you will have to sell things you need". Kung mamalit ka og mga butang kana rang kinahanglan ninyo o bisan kini usa ka luho siguraduha nga mapuslan ni ninyo ugma damlag dili kay ilabay lang ninyo ni pagkahuman sa usa ka tuig kay naguba na. Kinahanglan ang quality bisan siya mahal apan kung dili ni siya maguba og dili ni siya ma out of fashion hala palita. Pero nagpasabot pod na nga kining mga butanga nimo nga naangkon, makuntento naka og dili na ka maibog bisan unsa pa moabot nga nindot sunod tuig so dili naka mogasto sa imong mga way bili nga kapritso. Nakatigom naka anang paagiha ug ang imong natigom mapalit nimo og lain nga butang. Kina
Pananglitan kung nagpuyo mo duol sa sentro sa siyudad o bisan sa baryo, pamaligya og banana cue, siopao, softdrinks, longanisa, cake ipanghatod kada balay, o pamaligya og fone load o polboron o mga kinahanglan sa imong mga classmets o ka opis mates, pamaligya bisag unsa gawas anang druga o bino o sigarilyo o kanang mga makadaut. Ayaw dyog ana kinahanglan limpyo ang inyong negosyo kay kabalo naka sa karma. Mobalik ra ba na sa imoha, dili karon dili tingali sa imo pero tingali ugma og tingali sa imong membro sa pamilya. Maong paglikay dyog mo ana kay naa ra ba dyog nay resulta o sangpotanan. 100% ko ana.
Kung nagtrabaho ka og 8 ka oras, kung dili kaayo kapoy ang imong trabaho nga halos dili naka kakaon sa kakapoy.
Pagsugod og lain nga kakuhaon og pangkwarta. Bisan tulo ka oras sa sabado o sa dominggo pagkahuman ninyo mosimba o kung dili mo tigsimba bisan mangadye ra mo kada mata o kada katulog ninyo. Ok na na sa Ginoo. Naa tay 24 ka oras sa usa ka adlaw kanang kadaghana sa oras daghan imong mabuhat ana dili lang sa pagtrabaho sa inyong regular nga trabaho. Kung mutuo mo diri sa gawas sa nasod daghan diri nag double job para lang makatigom og ugma damlag makauli diha sa pinas nga mag boss na lang sa ilang kaugalingon.
Ang uban nakong kaila diri kay motrabaho og alas 6 sa buntag mogawas og alas 2 sa hapon. Mo sumpay sa lain nga trabaho 3 pm to 6 pm. Patay patay lagi apan kung kana inyong buhaton ang patay patay nga trabaho ninyo mga pila ka tuig mao nang mohatag ninyo og
kahayahay nga ugma tingalig kamo na ang boss ninyo. Kung dili ninyo kakaya mag trabaho og kaduha nga trabaho. Palihuka inyong asawa, anak og uban pa nga inyong mapiyalan sa imong mga nakuha nga ideya.
Bisan sulod sa inyong balay pwede mo mamaligya og mga kanang dali paliton nga dili madunot. asukar, asin, paminta pagrepack ana kay dako na siya og ginansya kung naa dihay namaligya og paminta o uban nga repakon, daghanan inyong repak haron diha na sa inyo mopalit. Kanang ice candy pod sama sa avocado, coconut flavor, chocolate flavor lami kaayo na unya. Nakahinumdum ko sa una among katapad sa balay kay doktor og doktora namaligya pa gani sila og ice candy pero lami kaayo kay avocado flavor man tong akong ganahan wala gani mi sa city pero bisan mingaw pa kaniadto sa among lugar halin kaayo iyang ice candy. Gamay ni siya nga negosyo apan makatabang bayad sa kuryente di ba? |
| Pwede ni ingon ani ibutang sa inyong balay, bisan dili na mo musuroy, dugag ni sa kita |
Usa pa ka pananglitan akong ig-agaw sa una kay namaligya sila og ice sa palengke tag 50 sentimos ang buok sa una sus kada adlaw mangompra ang taga palengke sa ilaha kay sila ra man naghimo og daghan kaayo nga ice para ibutang sa mga isda magabii sa palengke. Nakapalit god sila og duha ka frezzer para lang sa ice nga ilang ibaligya. Sila na ang kuhaanan sa mga tindera sa isda. Pero karon naa na poy tigbaligya didto og bloke na dyog nga ice. Pero katong panahuna dako kaayo ilang kita ug usa kato sa nagtabang nga moasenso sila sa kinabuhi. Karon akong tiya og tiyo o ig-agaw hayahay na kaayo. Purya buyag.
Kung naay mangutang sa inyong baligya pagbutang og paskel, "Walay utang karon, ugma na" hehehe.
Bisan 100 pesos ra inyong kwarta pwede na na ninyo masugod og ayaw dyog na ninyo kuhai kung gusto mo nga modako inyong negosyo.
Unsa may mga kinahanglan sa inyong mga silingan nga maayo ibaligya mao na inyong hunahunaon. Ayaw mo sigi lingkod nga walay gibuhat sayang ang oras ikaw ray magsigig kalisod. Pagmata kay karong panahuna dili ka kinahanglan magsalig sa imo lang trabaho.
Gusto mo magblog parehas sa ako, so pagbuhat mo kay hinay hinay mohanas ra mo ana.
Lote og balay nga kanang gipanghaggad , mas maayo kay barato, mga gipang foreclosed. Kanang gipa assume unya paabangi dayon. Boarding house usa na sa maayong negosyo unya butangan nimo og kan-anan bisan dili ikaw magluto pwede ra ka mokontak og magdala sa imo nga naa kay gamay maginansya, kwarta na pod na. Mga kailanganon sa imong mga nag board mao nay ibaligya. Daghan kaayo nga ideya nga inyong mahimo nga dili mo matanggong sa inyong trabaho kada adlaw, nga magwork mo sa lain tawo. Hastang kapoya ana! All About Business
Read to expand your horizon and to have a new better living Recommended Money Makers
Rich Dad Poor Dad: What The Rich Teach Their Kids About Money That the Poor and Middle Class Do Not!
No comments:
Post a Comment
Thank you for your comment.