Monday, August 11, 2014

Disneyland, Paris France

Gatuo ba mo sa madyik?  Kung moadto mo sa Disneyland, ang magik nga inyong nakit-an o mga dili katuhuan nga mga istorya, makit-an na ninyo didto tanan.  Pagkanindot dyog kung moadto ka sulod sa disneyland.  Didto makita nimo ang mga istorya nga imo ra nabasahan o nakit-an sa libro.  Pagkanindot na lang gayod.  Sa ganghaan pa lang gani sa Disneyland mora na kag nagdamgo.  Malipay ka ug maayo makasyagit ka god.  Magsigi na lang ka og ingon! WOW! oh my! hastang nindota dyog.  Dili kabayran og kwarta kung makasulod ka sa Disneyland.  Ang imong nagasto kulang ra gani sa imong nakit-an og natagamtam nga kalipay.  Makasyagit ka og makapakpak sa pagkagwapo sa talan-awon ug sa uban pa nga imong masaksihan didto.  Pag makasulod na ka didto tanan libre imong masakyan o masudlan ang tanan nga imong gusto.  Ambot makahuman ba ka og usa ka semana kung tanan imong sudlan kay pirti gayong daghana ang matagamtam nimo didto.  Ang mga talan-awon amai dili dyog kabayran ug kwarta bisan kung naana sa imong atubangan mora lang gihapon ka ug nagdamgo. 
 Kung moadto mo, pagtsinelas o rubber shoes o sandal o basta flat ang suota kay hastang dakoa sa lugar nga imong adtoan.   mas maayo kung makasayo mo ug sulod haron dako dako inyong agi.  2 ka park ang pwede nimo sudlon.  pwede pod usa ra ka park, kung ganahan ka 2 hala duhaa apan kailangan nga dili lang usa ka ka adlaw didto.  kay kulang gayod kaayo.  Mas labi pa kung gusto ka mosakay sakay sa mga libre didto.  Pwede ka magpapicture pod didto pero kung daghan tawo, pila dyog ka.  Mao pod ni sa mga libre nga rides.  pagkaon lang didto sa sulod ang dili libre.  Ang maayo pagdala mo og pagkaon haron dili mo sigi palit didto sa sulod.  Naay mga souvenirs nga inyong mapalit haron mas labing maayo ang experience ninyo didto.  Bata, tigulang hastang mga lipaya ang mga dagway.  Dili lagi kabayran ang imong kasinatian didto sa disneyland.  Kaduha nako kabalik didto apan, wala lang gihapon ko matagbaw sa akong nasaksihan.  magsigi lang gihapon ko ug balik balik kung makakwarta na pod ko. Mao ni ang pictures namo sa disneyland.  Sampol lang ni mas maayo kung kamo pod makasinati og makaadto mo sa Disneyland.  Para makatagamtam pod mo sa kalipay niining Disneyland Paris.








































































































Sigi lang mig kuha og hulagway, pero ang nakaparat kay na low bat ang mga cellfone.  Kung moadto mo andama dyog ninyo nga full ang inyong baterya og magkuha mo og video sa Disneyland magic parade kay hastang pagkanindot sa tanan.  Morag di ka ka tuo nga tinood na diay ang naa sa imong atubangan o imong nasaksihan.  Sa suma total mora lang gihapon ka og nagdamgo.  Dili ka katoo sa imong gibati nga kahinam og kalipay nga natagamtaman!

 Disneyland Parade fotos:




































































Don't forget to like or share

No comments:

Post a Comment

Thank you for your comment.

Binignit

Camote  Camote Semana Santo naman maong tong Biyernes Santo nagluto kog binignit. Mao ni usa ka pagkaon nga ginaandam aning mga adlawa. Pwed...