Salamat sa Tabang Yolanda o Haiyan

Dako kaayo tag pasalamat sa tanang mga tawo ilabi na ang ubang countries nga nitabang sa mga biktima sa Yolanda.  Sakit isipon ang nahitabo ilabi na gayod sa kadtong mga tawo nga nawad-an og membro sa ilang mga pamilya.  Unta makapadayon sila pagbalik sa ilang normal nga kinabuhi! Unta ang atong gobyerno dili mohunong sa pagtabang kanila ilabi na sa ilang mga kinahanglan sa pagkakaron nga wala pa intawon silay mahikap.  Walay  makaon, walay kwarta, walay trabaho, walay balay , walay ikapalit sa mga adlaw adlaw nga panginahanglan.  Sa tinood lang wala pay klaro ang ilang kinabuhi kung asa sila magsugod og usab.  Ang uban emotionally naapektaran ug ang uban ang ilang mga kalawasan ang naapektaran.  Mokabot tingalig tuig una sila makabangon sa ilang kahimtang karon.  Busa kitang tanang pilipino magsigi gihapon ug tabang kanila.  Kung naa mo dihay subra nga kwarta, sinina og uban pa nga dili na ninyo magamit, ihatag ninyo kini kanila kay bisan unsa kagamay, dako na kana kanila.  God bless us all!