Wala pa tawon ko kaadto aning dapita bisan taga Pilipinas ko.
Basi pohon malooy ang Ginoo.Katong nag iskwela pa ko usa ni sa among makita pirmi sa libro ug isulti sa among mga maestra nga usa daw sa 10 wonders of the world. Gigama ni sa mga katigulangan sa mga mga nitibo sa Ifugao. Gigamit ilang mga kamot ug wala kaayo silay mga gamit apan nahulma nila ang maanindot nga talan-awon nga wala tingali sila magdahom nga makahatag kini ug garbo sa Pilipinas ug usa nga makapadani sa mga taga laing lugar para moari diri sa Pilipinas. Sa ilang pagpaningkamot haron makatanom sila ug humay haron mabuhi sila kay lisod man kaayo ang lugar kay mga bakilid baya ug bungtod bungtod. Lisod kaayo pero nabuhatan nila ni ug paagi. Karon ang Banaue Rice Terraces garboso kaayo nga moimbitar sa mga lain laing mga tawo haron makit-an ang kahanas ug kaantigo sa mga katigulangan 2000 ka tuig nga nilabay ug mabati ang kaanindot sa maong lugar.
.jpg)
