Friday, November 01, 2013

All Souls' Day


from tsadadyogcom pic:  Rustan store

Sa adlaw sa kalag ang atong ginahimo kay moadto sa menteryo haron moduaw sa atong mga minahal nga nangamatay na.  Magdala ta ug bulak, kandila, pagkaon o bisan unsa pa man haron idalit nato sa pinangga natong mipanaw na sa kalibutan.





Mao pod ni ang panahaon nga kasagaran ang mga pamilya, magsoon, paryente , kaamigohan or kaila magkatapok og makakita sa usa ka lugar.



Bisan wala na ang atong ubang minahal sa kinabuhi, malipayon gihapon nga gisaulog nato ang adlaw  sa kalag kalag, siyempre kauban sila.   Pagkahuman sa atong pangadye, pagtapok nga nagkaon o sudyaka, manguli kita nga malipayon nga nakaduaw ta sa ila bisan kausa lang kaadlaw sa usa ka tuig.






Apan samtang nagbasa basa ko diri sa internet ako ning nakaplagan ang makapanindog sa balahibo nga letrato.  Nakahunahuna ko kakuyaw god aning hulagwaya.  Ang bata nga nagsukod sa tigulang na babae nga nagahigda.  Sa ato kay kung sukdon ta, mora na man na sukod sa lungon.  Apan tinood dyog diay kay sa akong pagbasa kung asa gikan ni nga hulagway , ako pod namayhoan si Gloria Romero, sa akong hunahuna salida dyog ni.  Usa ka salida nga lisod natong dawaton bisan sa atong hunahuna.  Apan sa salida, makahilak ta sa istorya niini.  Wala man ko kakita sa salida apan sa mga komentaryo nga naa  sa fb nga nindot daw kaayo nga salida.


en.wikipedia.org(Magnifico is a 2003 FAMAS Award-winning drama film directed by Maryo J. De los Reyes, written by Michiko Yamamoto, and starring Jiro ManioLorna TolentinoAlbert MartinezGloria Romero)

Akong nahibal-an nga kining bataa, gisukdan niya ang iyang lola kay masakiton diay sa cancer, gisukdan daan niya para sa lungon simbako mamatay ni.   Sa atong mga Pilipino dili ta mohimo ani tungod kay mahadlok ta nga matinood.  Dili maayo mag-una una ta og himo niana, kalooy pod kung magsinukdanay na ta tanan og longon, pero sa pagkatinood dyog,  tulo ra ka buok ang tinood og naa pirmi og dili mausab.


 Ang una kay tax, word nga change og ang atong kamatayon.   pero mahadlok ta mag-istorya aning kamatayon.  Tungod sa atong paghigugma sa atong mga pamilya o bisan kinsa ang kamatayon o lungon dili nato istoryahan.  Bisan kabalo ta nga moabot, daghan gihapon sa ato nga dili nato na litokon kay mahadlok ta.





Mas maayo tingali nga samtang buhi pa tang tanan, o ang atong minahal sa kinabuhi.  Mag-ayo na ta sa usag-usa kay dili nato matag-an ang panahon.  Dili nata maghulat og adlaw sa kalag kalag nga ipakita nato ang atong kaayo.  Purbahan na nato nga manghatag na ta og bulak bisan walay birtdey or kasaulugan haron maipakita nato sa atong hinigugma ang atong paghiguma kanila. Mas maayo karon na nga naa pa ta og naa pa sila.    




No comments:

Post a Comment

Thank you for your comment.

Binignit

Camote  Camote Semana Santo naman maong tong Biyernes Santo nagluto kog binignit. Mao ni usa ka pagkaon nga ginaandam aning mga adlawa. Pwed...